Cynllunio eich ymweliad

Barod am antur

Fel y gwelwch chi cyn bo hir, byddwch yn profi rhai o atyniadau mwyaf anhygoel Gogledd Cymru drwy ddod ar ymweliad i Barc Padarn. Wedi’i amgylchynu gan olygfeydd prydferth, mae’n lle delfrydol i’w archwilio a chreu atgofion anhygoel.

Lleoliad

Mae Wardeiniaid Parc Gwledig Padarn wedi’u lleoli yn Ysbyty’r Chwarel, ond mae’r tri phrif faes parcio i’w gweld isod.

Cyrraedd yma

O gyfeiriad Bangor, gadewch yr A55 ar gyffordd 11 a dilynwch yr arwyddion am yr A4244 i Lanberis.
O gyfeiriad Caernarfon, dilynwch yr A4086 i Lanberis
O gyfeiriad Betws-y-Coed, dilynwch yr A5 cyn ymuno â’r A4086

Parcio

Mae tri phrif faes parcio ar y safle, gyda meysydd parcio’r cyngor yn ychwanegol; maes parcio Gilfach Ddu (Amgueddfa Lechi), maes parcio Dolbadarn a maes parcio Y Glyn (lagŵn).Codir ffi i barcio ac mae modd ei thalu drwy ddefnyddio’r peiriant talu ac arddangos neu drwy’r ap PayByPhone.

Cynllun ArosFan

Defnyddiwch ein mannau ArosFan a leolir yn Y Glyn, Llanberis i barcio eich cartref modur. Mae dwy ffordd o dalu ar gael, naill ai drwy’r peiriannau talu ac arddangos ar y safle neu yn defnyddio app Pay By Phone (lleoliad 804551).

Am ragor o wybodaeth, ewch i wefan Cyngor Gwynedd.

Archwilio'r parc

Ar ôl cyrraedd yma, dewiswch lwybr a dewch i ganfod yr hyn sy’n gwneud y parc hwn mor arbennig. Mae gennym lwybrau drwy’r goedwig ac o amgylch y llyn i chi eu dewis, bob un â’i olygfeydd unigryw i’w mwynhau.

Beth sydd ar y gweill?

Rydym yn ffodus i ddarparu’r lleoliad ar gyfer amrywiaeth o ddigwyddiadau, o’r ‘Welsh Winter Swim’ adfywhaol i’r Rali Ceir Clasurol hiraethlon. Gall y dyddiadau hyn effeithio ar fynediad a phrysurdeb y parc, felly cysylltwch yn uniongyrchol â’r sefydliad sy’n cynnal y digwyddiad.

Cwestiynau Cyffredin

PRYD MAE YSBYTY'R CHWAREL AR AGOR?

Dros yr Ŵyl, bydd Ysbyty’r Chwarel ar agor rhwng 10.00 a.m. a 4.00 p.m. ar y dyddiadau canlynol yn unig:

Ar agor fel arfer hyd at 20fed o Ragfyr.

Ar agor wedyn ar y 27ain, 28ain, 29ain, 30ain o Ragfyr a’r 2ail a 3ydd o Ionawr.

O’r 4ydd o Ionawr ymlaen, bydd Ysbyty’r Chwarel wedi cau tan y 14eg Chwefror.

Mae Ysbyty’r Chwarel ar agor o ddydd Mawrth i ddydd Sadwrn, rhwng 10.00 y.b. a 4.30 y.h. (mynediad olaf am 4.00y.h.). Ar gau ddydd Sul a dydd Llun (ac eithrio dydd Llun Gŵyl y Banc).

A YW YSBYTY'R CHWAREL YN HYGYRCH?

Ydi, mae Ysbyty’r Chwarel yn hygyrch i ymwelwyr. Fodd bynnag, ni chaniateir mynediad i gerbydau i Ysbyty’r Chwarel, ac eithrio Deiliaid Bathodyn Glas. Cynghorir Deiliaid Bathodyn Glas i gysylltu â ni ymlaen llaw i sicrhau bod y ffordd fynediad yn agored a bod lle parcio ar gael. Rydym yn hapus i helpu! Y maes parcio agosaf yw Gilfach Ddu, sydd tua 5 i 10 munud o waith cerdded i ffwrdd.

A GAF FI DDOD Â FY NGHAIAC NEU BADLFWRDD FY HUN?

Oes, mae yna bwyntiau lansio dynodedig o amgylch y llyn lle gallwch osod eich caiac/padlfwrdd ar y dŵr yn rhwydd. Mae’r pwyntiau mynediad rhwyddaf ger y meysydd parcio o amgylch Llanberis, sef Y Glyn a Gilfach Ddu. Dilynwch y canllawiau priodol ar gyfer eich crefft neu weithgarwch, a chofiwch fod yn wyliadwrus o nofwyr dŵr agored yn y llyn.

A GAF FI DDOD I FFILMIO?

Ydy, mae Parc Padarn yn lleoliad poblogaidd ar gyfer ffilmio. P’un a yw’n brosiect myfyriwr bychan neu’n gynhyrchiad mawr, cysylltwch â ni ynghylch caniatâd ffilmio.

Dysgu mwy

A OES LLE PARCIO AR Y SAFLE?

Oes, mae tri maes parcio ar gael i’w defnyddio, gyda meysydd parcio’r cyngor yn ychwanegol yn yr ardal. Gallwch dalu am barcio drwy’r peiriant neu drwy’r ap PayByPhone.