Ysbyty’r Chwarel
Cymerwch gip ar y gorffennol, gan archwilio’r ysbyty hanesyddol wrth fwynhau’r golygfeydd trawiadol dros y llyn.
Gwybodaeth i Ymwelwyr
Mae Ysbyty’r Chwarel ar agor o ddydd Mawrth i ddydd Sadwrn, rhwng 10.00 y.b. a 4.30 y.h. (mynediad olaf am 4.00y.h.). Ar gau ddydd Sul a dydd Llun (ac eithrio dydd Llun Gŵyl y Banc).
Nid oes mynediad cerbyd at Ysbyty’r Chwarel i ymwelwyr, eithrio deiliaid Bathodyn Glas. Y maes parcio agosaf yw Gilfach Ddu, sydd rhwng 5 a 10 munud o waith cerdded i ffwrdd.
Cynghorir deiliaid Bathodyn Glas i gysylltu â ni ymlaen llaw i sicrhau bod y ffordd fynediad ar agor a bod lle parcio ar gael.
Prif nodweddion
Archwiliwch arddangosiadau o gyfarpar ac arferion meddygol hanesyddol a ddefnyddiwyd ar un adeg i drin chwarelwyr – cipolwg rhyfeddol ar y gorffennol. Mae ein harddangosfeydd yn dangos datblygiadau meddygol arloesol yr ysbyty ac yn rhoi darlun i ni o’r ffordd roeddent yn helpu i gadw’r chwarelwyr yn iach a diogel, gan gyfrannu at hanes diwydiannol cyfoethog ein hardal.
