Prosiectau
Rydym yn gofalu am ein parc gwledig
Yma gallwch ddysgu am ein prosiectau diweddaraf a’u cynnydd. O dynnu rhywogaethau planhigion goresgynnol o’r Llyn i adfer adeiladweithiau chwarel hanesyddol gan ddefnyddio deunyddiau llechi traddodiadol, ein nod yw gwarchod bioamrywiaeth a thirnodau diwydiannol yr ardal. Rydym hefyd yn gwella hygyrchedd drwy wella’r llwybrau a gosod arwyddbyst lleoliad arloesol.
Prosiectau cyfredol
Gweler isod y prif brosiectau rydym yn cydweithio arnynt ag amrywiol sefydliadau er mwyn gwarchod a gwella amgylcheddau naturiol ac asedau hanesyddol y parc hynod hwn. Byddwch yn ymwybodol y gall bod mân ymyriadau ar adegau er mwyn hwyluso’r gwaith sy’n mynd rhagddo.
Gwirfoddoli ym Mharc Padarn
Er ein bod yn gweithredu â thîm bychan ac ymroddgar yn unig, mae ein brwdfrydedd dros warchod Parc Padarn wedi’i wreiddio’n ddwfn. Mae cynnal a chyfoethogi’r lle naturiol rhyfeddol hwn yn llafur cariad na allem ei gyflawni ein hunain. Dyna pam rydym bob amser yn awyddus i groesawu gwirfoddolwyr newydd sy’n rhannu ein hymrwymiad i gynnal yr ardal am genedlaethau i ddod. Gyda chefnogaeth frwd y gymuned, gall Parc Gwledig Padarn wirioneddol ffynnu a pharhau’n drysor gwerthfawr i’r rhanbarth.